米雪首次於「大灣區衛視」亮相。
港台成立25周年原創微電影《出發2022》一連四晚於「大灣區衞視」電視平台播出，微電影分別由《手錶》、《幸運熊》、《空間魔術師》及《轉型》四個故事組成，資深演員米雪亦有份參與其中一個單元《幸運熊》的演出。
對於首次於「大灣區衛視」亮相，雪姐坦言興奮開心，「呢個亦都係香港政府一直以嚟都推廣同大灣區合作嘅項目，今次能夠有機會入到個節目，我希望我哋會做到更好，同埋有關一直宣傳同推廣，我哋一定支持，更加希望以後更多一直計劃我哋可以參與。」《幸運熊》主要講述疫情期間於醫院內發生的一切，同時又藉住故事寫出醫護人員跟病人的心態、心境，帶出當中的親情、友情及愛情，雪姐直言一看到劇本時，已立即決定接拍，「一聽個故仔我已經覺得好好，係表揚醫護人員同述長者嘅心態，講佢哋腦退化，我一向都有做長者服務嘅義工，所以二話不說我就接咗呢部戲。」微電影中，雪姐跟羅家英飾演一對唱戲的恩愛夫婦，丈夫在醫院養病時得了新冠，二人經歷生離死別，把相濡以沫的感情演繹細膩，雪姐謂與同是老戲骨的演員有很多火花碰撞，「戲入面我鍾意叫家英哥做『相公』，呢啲都係現場諗出來。陳明憙吸收能力好高，有幾場要喊嘅戲都處理得唔錯。」雪姐又分享拍攝趣事，「我同家英哥有好多打情罵俏嘅戲，我哋演嘅時候冇乜嘢，但好多工作人員見到我哋都忍唔住笑場，呢樣先最好笑。」
米雪大讚陳明憙處理喊戲不俗。
米雪首次於「大灣區衛視」亮相。