呂爵安(Edan)、魏浚笙（Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）齊齊衝出香港，往馬來西亞拍《膠戰S4》。(林俊源攝)
呂爵安(Edan)、魏浚笙(Jeffrey）、黃正宜（阿正）、岑珈其、劉沛蘅（Hillary）及徐浩昌（肥腸）6 膠昨日(8日)齊齊現身銅鑼灣，出席《膠戰S4》記者會。雖然活動因8號颱風延遲舉行，仍無阻「膠粉」到場支持，迫爆商場。今次6膠首度衝出香港往馬來西亞拍攝，眾人在台上玩遊戲又互爆秘密，並向膠粉太派福利。
6膠互爆料
Edan在台上大爆Jeffrey諗遊戲名時提出「大9紅」，更發現他連續兩日穿同一款式的驚艷的粉紅長褲，「我問佢係咪同一條，佢話買咗兩條！後來發現佢因為風水，所以著粉紅色。」阿正接力爆料：「原來連底褲都係，而且一樣款，所以有一期我懷疑佢冇洗。」Jeffrey「紅都面晒」連忙否認，Edan順勢叫他做「大9紅」。Edan又大爆珈其和Hillary分別在身體和心靈上受傷，暗示阿正是「兇手」，而珈其更正指知人口面不知心。問到下次想去哪裡拍《膠戰》時，眾人就指阿正好怕熱，故希望往寒冷地區，珈其笑言：「去邊度都得，去冰島都得。」
Jeffrey獲封「粉紅大9紅」
6膠在活動後受訪，Jeffrey親自解釋「大9紅」的來由，「真係照字面睇，即係好大，九亦係一個數字，紅色係咁多種顏色嘅第一種，(阿正驚問點解？)因為紅橙黃綠青藍紫(紅色排先)。」「爺爺」珈其補充：「純粹攞咗啲最旺最勁嘅嘢，乜都要攞第一。」果然係「中二病」代表。至於穿粉紅色長褲，Model男神Jeffrey笑言是「Fashion」，眾人即為他改名為「粉紅大9紅」。問到是否穿粉紅底褲時，Jeffrey連忙搖頭，「純粹係睇心情買底褲，例如新年買紅色，(珈其：咁啱買多咗喎)買七條囉！」爆笑全場。
「噴口」有原因
Jeffrey在活動上，不時噴口腔清新噴霧，他解釋，「因為睇牙醫話，當你做足口腔護理，對方就會好受啲。好多人都有唔同習慣，咁我就係噴口。」5膠聞言，齊齊笑到彎肚。
Hilary硬食榴槤
談到難忘體驗，Edan就分享到訪榴槤園，「園主唔會擲榴槤，係等榴槤跌落嚟，最癲係冇安全措施。」珈其補充有安裝網，但就不會戴頭盔，而不吃榴槤的Hillary就最難受，「為咗膠戰我都會食！」不過就沒有因此而改觀，依然討厭吃榴槤。
Jeffrey罕有放肆大吃
阿正今次與Jeffrey一齊去出埠，問到心情如何時，她大讚男神果然名不虛傳，「佢化妝同唔化妝，好似冇乜落差，有時都唔知佢有冇化妝，長期處於好靚仔狀態。」她繼續爆料：「第一次見佢食咁多嘢，平時佢唔肯食，話個鼻會大，(Edan：大鼻紅)今次俾嘢食吸引咗，第一次見佢幾碟嘢咁食，好驚訝！」談到肥腸與霞姐撞樣，他直認：「嗰個係我好身嚟，(阿正：夫妻相)你唔會同自己有夫妻相，因為佢就係肥腸。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
