袁志偉奪「萬千光輝榮譽大獎」。
《萬千星輝頒獎典禮2023》於今晚8時在澳門上葡京綜合度假村隆重舉行。「萬千光輝榮譽大獎」由新聞部主管袁志偉獲得，總經理曾志偉頒發獎項，他稱袁志偉加入TVB已經47年，從沒停工，更笑謂對方都要搞到大家無得瞓，所以有24小時新聞台，並稱新聞部唔攞獎，最後要用食飯及開會哄他到場。
袁志偉在台上致辭表示，這個獎項是屬於新聞部所有人，他更特別多謝TVB及管理層︰「一直以嚟TVB老闆同最高管理層係從來都冇干預過新聞部運作，亦都冇影響新聞報道方向同內容，所以我哋真真正正要多謝管理層，多謝我哋依間公司。」
曾志偉頒獎給袁志偉。
袁志偉：多謝TVB俾機會我
袁志偉自言做過記者、主播、採主、總監和主管，TVB造就了他不一樣的人生，並慶幸自己見證過不少歷史時刻，「好多謝TVB俾機會我，喺香港、中國幾十年來不一樣大轉變，都有幸參與其中，紀錄呢段歷史，好似香港回歸，我全程跟進；中國改革開放，我係目睹嘅；近代教科書，小朋友讀到歷史人物，都有啲接受過訪問。」他又多謝新聞部三百多位員工在微薄的薪酬下，不忘初心，保持專業精神。
「萬千光輝榮譽大獎」由新聞部主管袁志偉獲得。