藍精靈全員拍戲見大家。
1958年誕生於比利時的「藍精靈」，由漫畫開始發展為電視動畫、動畫電影及真人電影，吸引全球無數粉絲。由《無敵貓劍俠》(Puss in Boots)動畫導演基斯米勒(Chris Miller)執導的《藍精靈大電影》(Smurfs)，將於7月17日香港上映。
到時大家可再見到美芝、牢騷王、論盡仔等角色……。英語版聲演陣容有樂壇天后Rihanna、金球視帝尊古曼(John Goodman)等，粵語版由梁釗峰及JACE(陳凱穎)聲演全新角色「無名」及「美芝」。
JACE似美芝
首次參與動畫配音的JACE表示，入行其中一個夢想是為動畫電影配音，今次夢想成真，仲唱埋主題曲，超興奮。加上英語版美芝由她的偶像Rihanna配音。JACE說：「就係呢個原因，我狂煲咗幾日Rihanna嘅歌。另外我同美芝都勁愛食薯條。」
釗峰說：「雖然對無名好陌生，不過我以前打機玩過藍精靈遊戲，知道點運作同熟識角色，要代入佢哋唔太困難。」他說今次聲演最大挑戰係邊配音邊唱歌。「講下對白，突然琴聲響起要唱歌。我要即時放低自己歌手身分，唔係我唱歌，而係無名深情咁唱出心聲。」
ADVERTISEMENT
20周年「全城撐本地消費3重大激賞」！ 即睇活動詳情！
