蝦頭獨腳絲打噏 《難道手機冇電才去愛?!》，以一身女機械人造型現身綵排。
以網絡、愛情、港式癲狂幽默貫穿舞台劇《獨腳絲打噏の難道手機冇電才去愛》，蝦頭楊詩敏將施展渾身解數，帶觀眾穿梭虛擬與現實，笑爆男女關係在科技下之荒謬日常。蝦頭昨日（7日）於開騷前夕，以AI機械情人造型，聯同導演海潮及藝術顧問張錦程，現身藝術中心壽臣劇院，進行終極綵排，準備發放愛的力量。蝦頭表示，今次在劇中有很多新嘗試，當中會坦承與觀眾分享感受，相信大家能有一番體會。
藝術顧問張錦程、蝦頭、導演海潮
對於今次的AI機械情人造型，在服裝設計上，蝦頭自己亦有給予設計師意見，蝦頭說：「我咁大個女都冇試過着緊身衣出嚟演出，算係幾大突破，好多朋友見到我瘦咗，其實我冇刻意減肥，想俾觀眾見到一個輕巧嘅蝦頭。」在演出上，蝦頭亦首次以個人貫穿形式演繹，同時更有互動環節，蝦頭說：「我會請男觀眾玩，至於會否有身體接觸，我唔係一個隨便嘅女仔，如果係近距離接觸，可能會用我嘅機械手去同佢哋握手。」
《難道手機冇電才去愛?!》延續「獨腳絲打噏」系列風格，以港式荒誕劇情，既瘋狂又真實地呈現現代戀愛困境。蝦頭將再次以她獨有的幽默感，與觀眾來一場兩小時的「浪漫約會」。今次演出由蝦頭親自擔任文本創作及主演，並由海潮執導，張錦程擔任藝術顧問，蘇子情監製，有望為觀眾帶來驚喜連連的劇場體驗。
ADVERTISEMENT
20周年「全城撐本地消費3重大激賞」！ 即睇活動詳情！
