黎瑞恩、杜德偉、Shine、張敬軒、泳兒和吳浩康等前晚出席《博愛歡樂傳萬家》直播節目，黎瑞恩表示出台時發覺耳機失靈，甩掉線頭，無法聽清楚音樂和自己的聲音，怕唱到走音和忘記了歌詞，幸好沒有。
6月中將舉行3場紅館個唱的張敬軒表示，得悉內部認購已爆滿，希望加開多一場就滿足。
有指黎瑞恩自爆曾跟阮兆祥談戀愛，她承認並笑言當時的風氣是要保密。「當時公司唔俾公開戀情，所以我哋就唔講。不過我自己唔介意公開。」她直言，如果現在有圈外男友也未必會講，「圈內嘅話可能都會公開，但圈內嘅應該唔會鍾意我呢啲咁大嘅！」
杜德偉讚兒子有節奏感
早前，杜德偉(Alex)獲得「Billboard lcon Award」榮譽，他表示，「係華人中嘅第一名，我覺得好驕傲。」他又稱，現在照顧小孩不簡單，也令他改變了，「以前會以自己嘅角度出發，有咗小朋友後，就要放下自己，一切以佢為主。」他又笑言老婆帶兒子來看節目彩排時，興奮得手舞足蹈，「非常有趣，代表佢鍾意我嘅音樂，係有節奏感嘅小朋友。(會父子檔拍MV？)暫時未考慮到。」