邵音音今日出席電影《由菱開始》首映禮,提到相識多年的譚炳文,於9月5日因肺癌離世,音音姐也回憶起當年受過炳哥很多恩惠:「我同炳哥拍過好多次群戲,仲有肥肥、鄭少秋、斑斑、森森佢哋,有好多人。又同炳哥一齊四圍登台演出,然後當佢做老闆時,每部戲都搵我客串。」
炳哥將於9月21日設靈,問到音音姐會否出席,她說:「因為當日有好多佢嘅影迷、歌迷,仲有幾十年嘅朋友都會參加,人多我就唔會參加。森森、斑斑就因為住澳門,佢哋未必返嚟,不過知道佢哋會送花圈,我都會會送花圈,咁耐朋友佢走咗當然惋惜,唯有心中懷念炳哥。」