張敬軒揚言Kelly是自己女神。
陳慧琳(Kelly)於紅館舉行的10場個唱《陳慧琳Season 2 萬人結界演唱會》，昨晚(16日)第5場請來張敬軒擔任嘉賓，兩人同穿粉紅服飾出場。張敬軒拖住Kelly合唱《風花雪》。之後忍不住問Kelly：「點解一條紋都冇？」驚訝Kelly「唔識老。」零皺紋，更笑稱Kelly是女神，自己要收起調皮一面，仲叫Kelly不要叫他「軒公」。Kelly說：「我真係好少事情搞到我嬲。」
張敬軒特別感謝Kelly和鍾珍的支持，因為每次自己開騷邀請Kelly擔任嘉賓，兩人都好支持。他說：「以前做後輩歌手嘉賓，總聽到一句『我從小就聽你歌長大』，今晚終於輪到我講。」
鼓勵DSE生
昨日是DSE放榜日，張敬軒鼓勵觀眾：「人生很奇妙，我經常喺紅館演出，但今日手有啲震。高興成為偶像嘅表演嘉賓。Life is amazing！只要堅持信念，走好每一步，生命總有意想不到嘅方式回報你。我從沒想過能和陳慧琳同台，仲可以喺佢演唱會唱歌俾你哋聽。」
另外，今次演唱會的藝術總監奚仲文對細節要求極高，從舞台設計到視覺效果都力求完美，Kelly形容為「枱面風光，台下逼爆倉」。其中演唱《薰衣草》時，舞台效果更是令人驚艷。四層高的LED Wall呈現出從日出到日落的薰衣草田美景，同時台上更佈置了巨型薰衣草田裝置，與Kelly的演出相互映襯，營造出浪漫唯美的氛圍，讓觀眾一起融入花海之中。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
