Ad Block Ad Block
娛樂
2023-03-09 17:39:56

隱形戰隊|劉穎鏇操出最強Body 穿三點式大騷蜜桃臀小蠻腰

分享:
劉穎鏇為了在鏡頭前展示完美body,下了不少苦功。

劉穎鏇為了在鏡頭前展示完美body,下了不少苦功。

馬國明、陳山聰、唐詩詠、劉佩玥(Moon)、劉穎鏇(Tiffany)等主演的《隱形戰隊》。陳山聰及林子善早於埋位拍攝劇集前半年、已努力操肌兼控制飲食,經過連月來的地獄式鍛煉,二人最終操出違反人體力學Body。

談到超強Body練成之道,兩位男主角笑指由於要瘋狂隊雞胸,曾一度陷入樽頸位,更要想盡辦法將雞胸改頭換面,增加食欲,山聰說:「到最後要將啲雞胸打成汁嚟飲,可能加啲粟米或者番薯咁。」

Ad Block

Tiffany練成「最強Body 2.0」

至於女主角Body之爭,則非Tiffany與阿Moon莫屬,前者操出女性10%極限體脂+蜜桃臀練成「最強Body 2.0」,不但腰前馬甲線清晰可見、腰肢零贅肉,臀部更由平地升呢至「蜜桃臀」,完美展示為時超過數個月的地獄式特訓亮麗成果。明晚(10日)一集,萬眾期待的Tiffany水著派福利畫面將隆重登場,根據官方發布的預熱宣傳照,一身「彩虹戰衣」的Tiffany,以出水芙蓉姿態出場,其中一張從未曝光的全新濕身水著照,除了Tiffany身上面的水珠,其身後的水花背景及一頭飄逸的秀髮,均令性感指數大大飆升。

談到萬眾期待的泳衣場口,Tiffany首先想到的是拍攝當日早上「唔敢食嘢」:「我練咗啲腹肌都好想出到,但嗰排開工都開得密冇特別抽到時間再操好啲,所以只能朝早唔食嘢淨係飲齋啡去keep。其實我哋拍嗰個泳池因為畀個屋苑遮住咗啲太陽,所以我記得拍嗰日係超級凍,我每次落水都好似入咗冰水咁。最慘係我又怕凍啦,嗰日落到水當然超凍,但唔落水企喺度其實都係凍。」

 

劉佩玥大騷美腿

至於肩負「誘惑擔當」的Moon,則身穿粉紅色斜肩設計一件頭泳衣登場,除了突顯白晳肌膚,一雙修長美腿亦是相當屈機,明晚一集絕對不容錯過。

Moon則指拍攝當日除了冇陽光,仲要好大風,而她全程亦是最擔心Tiffany:「我哋鏡頭前面可能好靚啦,但其實暗椏底係起晒雞皮,所以我哋兩個就互相幫大家取暖,例如阿Tiff落咗水或者上水,我就會好緊張畀條毛巾佢,或者問佢凍唔凍、要唔要飲熱水。都好彩有Tiff陪我,都拍得幾開心嘅,因為拍攝場地好多人,又好好玩。」阿Moon笑指自己所穿的一件頭泳衣亦相當蝦人著,故此拍攝當日亦有刻意減少食量,並笑言拍畢後有相約Tiffany吃大餐慶祝。

 

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受