雯雯霸氣反擊網民抨擊。
張致恒（Steven）與太太雯雯（區燕雯）近年是非多多，兩公婆經常各出奇謀製造話題。繼日前，Steven 貼出QR Code盼網民伸出援手後，雯雯今晨（8日）再於社交網「發功」，霸氣反擊網民的批評。
雯雯早前被吳浩康公開勸她「唔好搞老公」，又被網民批評她毀滅老公張致恆的演藝事業，雯雯於今日凌晨時份重提報道，並霸氣反擊：「如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。」她續指：「我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演姐（啫）！只可以講我要做一個懂得體諒嘅老婆，5年乜都做晒，我唔會再畀自己受任何委屈。多謝大家關心，如果我做嘅嘢係咁惡劣，我隨時歡迎，我另一半同我離婚。」
最後，雯雯表示下半年打算低調，不公開自己情緒：「希望下半年，不公開自己情緒，低調，可換來健健康康，從此遠離複雜嘅世界。」網民紛紛留言表示：「聽住先」、「聽日又唔係咁」。
