露雲娜多謝吳宇森 大AL唱到90歲

張武孝(大AL )、露雲娜、方伊琪及歐信希等，今日為下周二(12日)舉行的《風行的音樂永續演唱會》綵排。大AL說：「七十年代我同露雲娜同一間公司，記得第一次見佢仲著住校服，由大導演吳宇森陪佢一齊嚟。」露雲娜則說：「係吳導演教我寫自己個中文名，因為我當時唔識中文，個名又多筆劃，導演話我咁紅要識寫自己個名，好多謝佢提點。」

大AL獲演唱會出品人兼監製送上歌衫，祝願他唱到90歲，問到他是否想唱到90歲，他說：「唱到點解唔唱？音樂係養命四大元素。」露雲娜笑說：「 啲人問我點解保持到咁後生，我冇打針㗎，之前有人搵我打Botox我都冇打。」大AL即說：「唔計歐信希，我哋3個，唱歌年資加埋都有百幾年，(演唱會會唔會跳舞？)我年紀大，呢啲咁勁嘅嘢返留俾後生。」