黃秋生
唔少藝人都兼營網上影片頻道，Do姐鄭裕玲舊年開設個人頻道，開youtube頻道專訪星級嘉賓，頭炮搵到發哥周潤發，之後又有何超儀講老公陳子聰死過翻生嘅經歷，近期Do姐再升呢遠赴荷里活訪問《沙丘瀚戰：第二章》多位主要演員。
而影帝級嘅黃秋生早前就喺Facebook po出手繪youtube標誌，話想開個youtube channel，多位圈中人如演藝學院師弟妹李婉華同游學修，都留言支持話幫手。
唔想離開先知好多地方未去過
香港首位影帝級youtuber會想拍咩內容？秋生早前回應網媒，透露構思中嘅youtube頻道以探索香港為主，因為即使多年來喺香港工作同生活，但秋生原來好多地方都未去過。
遊客景點之一嘅天壇大佛，原來佢從未去過，甚至未必識坐交通工具去唔同地方。黃秋生自言假如一旦要離開香港，佢唔想到時自發現自己好多地方未去過。而家秋生自學緊剪片，相信呢個channel好快有片面世。
原文刊登於 Yahoo 娛樂圈
潮濕天氣或引起過敏及哮喘，預防霉菌方法（am730製圖）
