立法會前議員江玉歡即將有喜訊
立法會前議員江玉歡即將有喜訊！佢今個月尾娶新抱，升級做奶奶。
江玉歡難掩喜悅，喺社交平台公開喜訊，透露仔仔今個月24號結婚。佢話做阿媽當然要有型、襯番阿仔。佢提到最近連藝人林志玲都剪短頭髮，成功減齡，於是透過AI整咗張短髮圖，問大家覺得佢剪短頭髮如何喎。
無再婚計劃
好多網民留言送上祝福，又大讚江玉歡「短髮Look」有型又後生！至於江玉歡又有冇打算同外籍男朋友Stefan拉埋天窗呢？佢斷言梗係冇呢個諗法啦！佢話自己年紀唔細，唔搞咁多嘢啦！
ADVERTISEMENT
