立法會今日（23日）舉行春茗。(陳芷晴攝)
立法會今日舉行春茗，大約200個官員同議員出席。立法會主席梁君彥提到今日係2月23號，唔知點解議員最近一聽到「23」就好興奮，果然議員一聽到就即刻笑，其實就係講緊基本法23條立法啦。
立法會春茗盛況：
梁君彥：「23」係香港今年嘅幸運號碼
梁君彥重提上年立法會對戰政府官員嘅足球友誼賽，當時保安局局長著住「23」號球衣，打破咗立法會長期勝出嘅局面。最終佢哋得分係2：3，梁君彥話又係「23」喎！佢相信「23」係香港今年嘅幸運號碼，會令經濟迅速發展，市民安居樂業。
今年係龍年，梁君彥提到龍象徵長歲、智慧、力量，仲要係12生肖中獨一無二嘅神獸，瓣瓣掂。梁君彥話香港係東方巨龍明珠，喺國家大力支持下，發展空間會更廣闊，展現活力。
