葉劉淑儀用5,180萬元買半山物業贈愛女，並承認以公司轉讓慳稅767萬元。(資料圖片／林俊源攝)
行政會議召集人葉劉淑儀更新利益申報，最新買入一個中西區住宅連車位自住。翻查紀錄，葉劉淑儀新買入嘅係半山寶雲閣單位，即係現住單位嘅同一幢。根據紀錄，葉劉未有為單位承按，相信屬於一筆過付款。
葉劉慳稅767萬 指「好多人都係咁做」
葉劉淑儀回覆傳媒話，以5,180萬元買入單位畀個女住。由於葉劉用咗個人名義持有住宅單位，如果再買物業要畀15%稅項，即係大約777萬。今次佢就以公司轉讓形式買入，只需要畀0.2%稅，即係大約10萬元，換言之慳咗767萬元稅項，葉劉承認可以慳稅，話「好多人都係咁做啦」。