Ray Online｜議員「三劍合壁」　全副裝備參加劍擊表演賽

立法會議員陳祖恒、鄭泳舜同埋邱達根最近密密練劍備戰，形容係「三劍合壁」，為星期六嘅「亞洲少年劍擊精英聯賽」表演賽做好準備，到時會喺亞洲國際博覽館「運動博覽2023」上演。

睇到佢哋上載嘅相片，着上劍擊全副裝備「Chok」樣，不過難免熱到滿頭大汗。當中，陳祖恒就話相信唔少認識佢嘅朋友，都知道佢本身係一名運動愛好者，球類運動、水上活動都有所涉獵，但玩劍擊真係初體驗，玩落覺得好有趣同刺激，而且對體能要求都幾高喎。佢話好彩平時有做開各類運動，幫到佢快啲上手。佢仲透露到時表演賽會有一名政府官員「神秘登場」，同佢哋同場較技，齊齊推動香港體育發展，令佢非常期待。

議員期望政府將香港打造成體育盛事之都

陳祖恒話隨着啟德體育園將會落成，加上香港有好多高質素嘅體育設施同場地，希望政府可以支持更多好似「亞洲少年劍擊精英聯賽」呢類嘅國際或州際盛事喺香港上演，將香港打造成體育盛事之都。