Ray Online｜鄧炳強星洲訪問　邊吃肉骨茶開早餐會

保安局局長鄧炳強率領團隊，一連兩日訪問新加坡。佢提到行程馬不停蹄，辛苦團隊為今次參訪日夜工作。而喺早餐時間，都要把握機會同團隊開早餐會，為工作做好準備。鄧炳強話大家決定一邊品嚐地道肉骨茶，一邊開會，而胡椒湯底正正令人相當醒神，喺香港好少可以食到呢種味道咁話，都叫爭取時間試到新加坡嘅地道美食。

鄧炳強提醒市民颱風下注意安全

由佢發布嘅相片睇到，餐枱上雖然有唔少當地特色美食，但每人面前除咗嘢食，放有嘅文件更加多，睇落大家都好專心開會，都唔得閒食嘢。雖然暫時離港，鄧炳強都好關注香港天氣，話知道香港開始打風，提醒大家注意安全呀。