葉劉：女兒不是同性戀者 即使是也不慚愧(資料圖片)
行政會議召集人葉劉淑儀早前因為支持喺香港舉行同樂運動會，畀反對人士攻擊，更聲言葉劉支持同樂運動會係因為個女係同性戀者。立法會今日辯論施政報告致謝議案，葉劉趁機喺會上強調，支持同樂運動會係為咗要向國際表示香港係包容共融嘅社會，又提到個女唔係同性戀者，就算係都唔會感覺慚愧同尷尬。
建議政府強調法治及保障人權
葉劉提到包容性小眾人士，除咗牽涉人權考慮，亦有關挽留人才問題，因為眾所周知創意等產業，都有唔少優秀人才係性小眾人士。葉劉就話要對外說好香港故事，建議政府多強調法治同保障人權方面嘅成就。