男子攝車罅過馬路遭貨車撞倒捲入車底。(網片截圖)
一名男子攝車罅過馬路遭貨車撞倒捲車底！今日(18日)有車Cam片段於網上流傳，顯示一名男子攝車罅過馬路時，不慎被貨車撞倒捲車底，他事後疑似暈倒在地，昏迷不醒。片段惹來網民討論。
捱撞後疑暈倒在地昏迷不醒
該車Cam片段長約30秒，顯示在一條橫街上有多部車輛正等待行駛，當前方黑色私家車開行後，後面兩部的士遂開車行駛。此時有男子突然從第二部的士車尾走出，企圖攝車罅過馬路，怎料，後面貨車司機懷疑因為距離太近而視線受障，未有察覺有途人過馬路，決定將該名男子撞倒。男子捱撞後隨即跌倒，繼而被貨車捲入車底。事後他倒在地上，疑似昏迷不醒，後面駛至的白色私家車察覺前方有人倒地，馬上停車等候救援。
影片惹來不少網民留言，不少人都認為片中男子選擇在貨車前攝車罅過馬路很危險：「仲要貼住車頭過，司機點會見到啫，真係畀佢累死」、「要揀都唔好揀大車過馬路」、「有心自殺話，揾18車(大車)黎(嚟)攝，沒人可以阻止」、「後車真係比佢嚇死，諗住開車點知有個人訓(瞓)低左」，有網民甚至送上祝福：「(貨車)司機真係好無奈，希望佢搵到個好狀司(師)，祝兩邊都吉人天相。」
