一提到生B問題，詩詠即時拉開話題。
傳廖碧兒與富二代盧啟賢明年3月結婚。
陳豪舊愛廖碧兒近日傳出婚訊，有指她成功翻撻有30億身家的富二代盧啟賢。昨日陳豪與唐詩詠昨日出席鐘錶活動時，對於女方傳出婚訊，陳豪大方送上祝福。
提到有報道指廖碧兒明年3月結婚，陳豪說︰「傳呀？確實咗先講，無論如何，我都會送上祝福。」問到陳豪現時忙於工作，又要照顧3個小朋友，他坦言自做了爸爸之後，一日24小時也不夠，學會分配時間。提到與仔女相處時，他更非常雀躍與大家分享︰「有時夜晚要幫佢哋冚被、陪屙夜尿，有時佢哋又會半夜過嚟瞓喺我隔籬，都好開心！」他坦言雖然辛苦，但十分享受有小朋友的生活。
自認湊仔好上手
唐詩詠笑指自己也要照顧3個「小朋友」，分別是2隻貓和1隻BB貓，直言每天都要照顧牠們的起居飲食，完全感受到湊仔的感受，更自豪表示日後要照顧小朋友也沒有問題。問到會否心急想做媽媽，詩詠說︰「我依家心急買嘢獎勵自己先，日後生仔就冇時間啦！」