陳瀅與Moon出席唇膏活動。
陳瀅和劉佩玥(Moon)昨日出席唇膏活動，但陳瀅竟然遲了45分鐘，令在場傳媒鼓譟，當記者準備質問陳瀅時，她突然落淚爆喊，解釋因撞車及爛裙而遲到，最後更被迫真空上陣。
陳瀅因遲到落淚。
陳瀅邊喊邊說：「我今日真係超級超級黑仔，經過好多難關先嚟到，我由尖沙咀過海，但遇到單程線撞車，我放低架車跑過嚟，然後跑跑跑，點知條裙後面爆咗拉鏈，我已經即刻叫助手買過條裙，但頸位拉鏈位又拉唔到，除唔到，依家條裙後面有個窿，惟有除埋胸圍，真空上陣，當大露背裝。我係第一次遲到咁多，真係唔好意思，依家真係又尷尬又內疚又對唔住。」Moon見狀即上前呵番好友，又表示：「好開心記者們體諒，冇鬧我哋，今次都係一個課堂嚟，話俾我哋聽，做人要有兩手準備。」陳瀅又表示，經此一役，會帶備剪刀和針線傍身。
Moon即時呵番好友。