李思捷公開扮嘢秘訣 。
李思捷今日(6日)接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令一班對演藝好有熱誠的學員，能有機會在螢光幕上表現自己才華，李思捷坦言希望《福》節目能夠好似《中年好聲音》搞得一樣出色，
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。
在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」
李思捷自爆當年撼贏崔健邦成EYT司儀之一。