是咁的,昨日早上交通大癱瘓,一眾打工仔需要花兩至三小時乘車,港鐵的大圍站、沙田站等更是擠滿人群,甚至有些市民需要徒步落山才可乘搭交通工具,令不少人鬧爆特首沒有「特事特辦」安排停工。
有不少網民就把上班的慘況來個二次創作,部份圖片都參考了電影海報設計,甚至有人把片段加以剪接,創出作電影《返工》惡搞宣傳片。今日森美就為商台創作的《返工》片段配音,內容非常啜核,而且片內更含有彩蛋。不少網民隨即瘋傳森美的錄音及短片,並謂︰「一邊笑嘅時候,心裏面喺到滴淚」。
森美在片內說︰「打風你好驚? 打完仲恐佈! 《返工》! 香港史上最血肉的史實,七百萬市民打造7小時擠湧實景。6個鐘先出到旺角?月台上面全部係人?候車大堂全部人?售票處全部人? 成條街都係人?前世未見過咁多人? 唔怕成條馬路都係樹,孭個背囊跑返工。《返工》尋日盛大公映! 未試過提早出門口,返到公司竟然啱啱好夠鐘放工,多次勇奪準時勤工獎,香港打工仔傾力主演,貼心老闆互諒互讓全力護航! 文員、Sales、設計、會計、公關,全程投入! 平時半個鐘,今日窒到矇。9月17號全城返工!」