余安安、陳靜(DaDa)等，前晚出席電影《Baby復仇記》座談會，首次增肥扮孕婦的DaDa稱，為了這部戲奉獻了很多第一次，並稱扮完孕婦後，有做媽咪的衝動。
安安姐表示，自己只有兩個女兒，從來沒有做過婆婆，所以在戲中把DaDa當做女兒般疼錫，她又指：「拍攝時諗起自己懷孕時嗰啲辛酸。」而DaDa首次在電影中飾演孕婦，為此她增肥接近20磅：「為咗呢部戲，我獻出好多第一次，包括素顏拍戲，因為想貼近孕婦嘅狀態，我有問導演點解要肥咁多，有啲孕婦唔會變肥，導演就話因為我冇懷過孕，所以增肥多啲比較容易投入啲。」
余安安拒為女兒湊B
DaDa坦言因為拍攝這部戲，令她明白了很多之前沒有想過的事，並且讓她想快點做媽媽，DaDa續說：「不過懷孕呢件事，唔係我一個準備好就得，希望大家都可以計劃好。」安安姐亦透露，自己女兒亦計劃為人母親：「有BB玩當然開心啦，不過我講咗我只係玩，唔會幫佢哋湊，我全心全意帶大咗兩個女兒啦，係時候功成身退。」