陳庭欣指，幾個月前有去做treatment，不覺美容院有問題。
羅霖、陳庭欣及黎燕珊等，昨日出席《歡樂滿東華》記者會，當晚其中一個環節，會齊集3大選美港姐、亞姐及華姐冠軍人馬，由林子祥帶領行Catwalk Show，與羅霖談到其前夫劉坤銘再婚，她指細兒子知道後情緒低落；陳庭欣代言的凱詩美容被消委會點名譴責，她指暫不清楚事件，所以不作評論。
羅霖指兒子情緒麻麻，要花點時間開解。
消委會昨點名譴責凱詩美容以多種不良銷售手法作推銷，作為該店代言人的陳庭欣說︰「今朝比較忙，未詳細睇下發生咩事，有向經理人問過件事，希望美容院盡快搞清楚。其實銷售手法，我哋都冇份參與同評論，我唔識去答同代佢哋去答，希望呢件事可以圓滿處理。」
劉坤銘再婚 羅霖：細仔唔開心
羅霖前夫劉坤銘最近再婚，她指細仔因此心情低落，羅霖說：「可能佢踏入反叛期，加上知道爸爸再婚，所以有啲hurt唔開心，需要安撫佢，要同佢哋傾。」羅霖稱，會送上祝福給前夫，又稱：「若然自己再婚，一定會同囝囝同住。」
黎燕珊拍劇慈善兩頭忙
近日忙於拍劇的黎燕珊，正趕拍《法政先鋒IV》、《飛虎2》兩劇，現在更要度期排練及演出，真的有點難度，黎燕珊說：「我用一顆慈善嘅心做善事，希望幫到更多有需要嘅市民，最重要個晚咁多冠軍級美女一齊，好有意義，多謝王賢誌製造呢個咁美麗環節。」
黎燕珊在《法政先鋒IV》飾演單親媽媽，她指最怕拍完劇後，抽離不到角色，不再識笑。