歌手連詩雅(Shiga)，近日被傳經濟出現問題，指她居住的九龍塘豪宅欠租3個月，共13萬元租金，其母親又被人於九龍塘火車站貼街招，指非法集資和非法轉移財產，Shiga昨日接受無綫娛樂新聞台訪問，澄清事件涉及母親的生意拍檔，對其刻意抹黑。
Shiga表示，抹黑事件經報道後很多朋友、粉絲，她很擔心她的財政，又指與業主的關係一直友好，她說：「我想強調一樣嘢，我冇拖欠任何租金，租務上可能有處理得唔好嘅地方，就係租約完咗一直未有簽新租約，不過我同業主一直關係友好，每個月我都準時交租。」此時Shiga拿出新租約，力證沒有拖欠租金，更說：「因為最近有好多不實報道，所以我即刻同業主簽新租約，業主仲問有冇咩可以幫到我，所以佢同意之下，我哋拍咗條片，澄清冇欠任何租金。」之後Shiga播出業主代他澄清的片段。
百分百支持媽咪
Shiga解釋，近日連串抹黑事件，涉及其母親的工作，她說：「我唔清楚媽咪嘅工作性質，不過知道係佢生意拍檔，同佢搞出嚟嘅惡作劇，事件媽咪已經報咗警交俾警方處理，其實我媽咪都好大年紀，佢做咩我都會百分百支持，所以希望大家高抬貴手，俾啲空間同時間佢解決佢公司嘅問題。(是否很擔心媽媽？)係，我媽咪唔係幕前藝人，我被報道、被講，我理解，我媽咪唔係。」
連詩雅在節目中多番強調，沒有任何經濟壓力。