陳家樂去年4月與連詩雅(Shiga)結婚,二人在今年的元宵佳節,更公布喜訊做爸爸媽媽!繼日前二人結婚一周年,Shiga 貼出懷孕的照片後,今日(30日)她於社交網再次大曬孕肚,弗爆身材令人羨慕。
Shiga在社交網貼出去做gym的照片,並寫道:「孕媽媽都要適當鍛鍊肌肉 #27 weekspregnant」相中見她穿上貼身運動褲,並掀起上衣,大晒孕肚,已經懷孕接近七個月的她,肚子已經明顯變大;另一張照片,則是Shiga 的背影,見她更輕露纖腰,從後邊看完全不似懷孕,身材fit爆,完全是肥肚不肥人。好姊妹陳自瑤留言大讚:「少女媽媽」、沈卓盈亦表示:「點解大肚都可以咁fit?」,不少網民都紛紛表示:「後面睇完全唔似有左,好fit呀」、「似仔仔呀,陀得咁靚」、「一定係男B」。