陳貝兒談離婚時，忍不住落淚。
陳貝兒(Janis)、麥雅緻、朱凱婷及張美妮等，出席無綫節目《嫁到這世界邊端》記者會，被傳離婚的陳貝兒看到自己在節目中的分享片段時，感觸落淚，要回後台冷靜10分鐘，才能接受訪問，並承認正在辦理離婚手續，現正分居。
她透露自己拍攝外景時有點激動，但編導比她哭得更厲害。陳貝兒在阿聯酋拍攝時，曾因拍到當地女性而受到恐嚇，她苦笑：「依家無論生死都冇人理，我離咗婚！」當麥雅緻上台分享婚姻時，她感觸落淚。之後要平復10分鐘才接受訪問，她表示，「離婚係去年決定，如今心情已經恢復得七七八八，不過預告片令我勾起部分回憶，(婚變是否牽涉第三者？)冇第三者，大家喺和平氣氛下有共識，始終結婚6年，冇人想離婚收場。」問到是何人提出離婚，她再度情緒激動：「邊個提出先都唔係問題，已經和平解決，大家仲係朋友。(會否有轉機？)要向前看，接受。身邊朋友都知我離婚，只係冇特別公開講，拍攝時因為自己激動先有人問起，我都冇隱瞞。」提到當年結婚由婆婆撮合時，她忍不住淚水狂標，要轉身拭淚，平復情緒才可繼續：「我覺得自己好對唔住自己父母同佢父母，要老人家擔心、傷心，真係唔好意思，我哋有努力過。」
