娛樂
2022-08-11 21:49:14

姚焯菲爆同炎明熹少講嘢 諗過創業問埋老竇意見

分享:
Chantel到電台接受Do姐訪問。

Chantel到電台接受Do姐訪問。

姚焯菲(Chantel)今日到電台接受Do姐鄭裕玲訪問, Chantel分享了早前的新西蘭之旅後,Do姐就直接了當問她的短片風波,她直言不開心,更曾為此事哭了出來,慶幸身邊有家人及朋友的支持,她說︰「今次係經一事長一智。(係咪困擾好耐?)一時時,冇嘢做就會諗起,但呢件事令我強大咗。」她自言日後會小心點,並指經過今次事件之後,知道哪些人是「BFF(一輩子最好的朋友)

Do姐問到有沒有公主病時,Chantel不禁笑了出來。

Do姐問到有沒有公主病時,Chantel不禁笑了出來。

Chantel覺得炎明熹變化大

Do姐問Chantel與「聲夢」哪些成員比較熟絡,Chantel表示︰「應該係4小花,呢排就同Sherman(潘靜文)比較friend,佢好錫我!」提到炎明熹北上工作,Chantel稱當初知道她要北上時,大家都忍不住哭了出來,並指對方在大陸會很忙碌,所以沒有傾過偈。Chantel說︰「幾個月之後,佢返到嚟係高大咗好多,個感覺俾人係長大咗,佢仲要著好厚嘅鞋,所以就好高。佢個人長大咗,變到好專業。」

Do姐又問Chantel有否例子證明炎明熹變得很專業,Chantel說︰「以前大家彩排,佢會同我傾下偈,依家係『HIGi』,佢會話『Hi』,之後佢就會入咗去工作mode(你有冇傷心呀?)哈!冇嘅,我覺得佢成熟咗!」她表示自己也成熟了不少,做訪問時也會主動多說話一點。

炎明熹現時在大陸的知名度很高。

炎明熹現時在大陸的知名度很高。

Chantel自小愛扮靚

Do姐稱留意到年紀小小的Chantelgel甲,Chantel笑言13歲時曾遭父母反對,其後14歲那年,由媽媽帶她做了一次之後,爸爸非常欣賞,更不時問她何時再整gel甲。

推個人品牌曾問父親意見

Do姐提到,曾在一些訪問中留意到Chantel事業心頗重,Chantel承認有考慮過創立自己的品牌,「我覺得有自己嘅創作品係好有意思,但我art好差,我會俾心機!我想有自己嘅brand同產品,等大家去買。」她希望日後可以推出服飾、香水及貼紙,並指會主力網上商店。她說︰「我喺幾年前有同老竇講,佢可能當我講下,但呢排我都有同佢傾下,佢就覺得可以同現在品牌crossover下,做熟啲先再繼續。」

Chantel爸爸是投資公司首席財務官(CFO)和常務董事,同時是美國註冊會計師,但Chantel坦言自己計數很差,相反細妹在計數及美術方面都很好。Do姐聞言即謂︰「你art唔叻,你計數又唔叻,淨係唱歌叻,你會唔會俾人呃㗎?到時又要Daddy幫你睇住呀?」Chantel即尷尬笑說:「唔使,自己可以處理到。」

Chantel第一次接受Do姐訪問時,爸爸一同受訪。

Chantel第一次接受Do姐訪問時,爸爸一同受訪。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受