蘇皓兒以露肩裝示人。(蘇文傑攝)
蘇皓兒（Chole）今日（4月11日）到尖沙咀出席冷氣機產品發布會，她在會上表示希望有一個自己的安樂窩，可以親自設計家居同揀選自己品味的家電，大讚品牌的冷氣機面板顏色，可以因應不同心情去自行轉換，可以突顯個人風格品味。
蘇皓兒大讚品牌的冷氣機板面顏色可以更換，可以突顯個人風格。(蘇文傑攝)
女神生日赴沖繩潛水
活動上蘇皓兒提到剛剛結束的沖繩之旅，Chole指這次旅行意義重大，除了慶祝自己30歲生日之外，更希望藉此沉澱一下，「其實今次旅行都唔算好順利，因為出發嘅時候遇到台灣花蓮地震，同時影響到日本都有海嘯警告，所以飛機就降落唔到要原機折返。不過好彩最後都順利去到，尤其是可以玩到free Diving，5日行程我真係潛足4日咁多，因為對潛水好有興趣，沖繩嘅海比香港更靚，所以喺沖繩玩到真係好享受！」蘇皓兒又表示回歸香港後開始工作，剛剛就接到新劇本準備拍攝，主要都是在忙一些會議、Casting等。
女神生日赴沖繩潛水
蘇皓兒防曬方法︰嘆冷氣煲劇
至於夏天蒞臨，Chole如何跟陽光玩遊戲，她說︰「我覺得其實好多時皮膚老化都係關陽光事，所以防曬功夫一定要做足，而如果唔係工作或者打波其實我都唔會特別去接觸陽光，都係留返喺室內嘆住冷氣煲劇舒服啲！」
蘇皓文的皮膚超好。(蘇文傑攝)
因許瑋甯認識《不夠善良的我們》
提到煲劇，Chole又分享最近最喜歡的劇集《不夠善良的我們》，「一開始追係因為我真係好鍾意女主角之一嘅許瑋甯，然後發現題材都好吸引，內容係講兩個40歲嘅女性去面對佢哋生活嘅問題同壓力，同時又會帶出一啲感情問題，呢啲都令到啱啱30歲嘅我好感同身受，會反思自己嘅未來會係點，會唔會都係平平凡凡咁樣過一生呢？所以睇緊嘅時候有好多情節都觸動到我，變咗依家每個星期六都好期待睇新一集！」
蘇皓兒表示因為潛水的運動量很大，所以清減了些。(蘇文傑攝)
獲日本男抄牌
其後Chloe接受訪問，透露今次到沖繩之旅沒有另一伴同行，自認感情世界是空白一片。她稱這次獨自飛日請教練，租車包司機，在旅遊期間更遇到當地男子上前搭訕兼抄牌。她表示自己不會日語，雙方又難以用英文溝通，所以到最後不了了之。她稱對感情事隨緣，問到她的生日願望，她表示希望多些工作，可以儲多些錢，趁現時樓價下調置業。
蘇皓兒靚相集︰
