Edan洗面奶誤當牙膏用。
MIRROR日前已飛抵美國為美加巡迴演唱會做準備，12子都興奮在社交網貼相，其中呂爵安（Edan）表示在飛機上「冇乜點瞓過」，並分享戴住眼鏡敷面膜的照片，寫道：「深髮man爆鬍鬚面膜安is back，今朝喺飛機都冇咩點瞓過，希望而家瞓得著可以tune個靚時差，Goodnight﹗」Edan到埗後立即補眠，未知是否唔夠休息，今早他就鬧出笑話，誤將洗面奶當牙膏用，他表示：「我啱啱用錯咗洗面奶刷牙。」其後更搞笑謂：「到依家成個口都仲係洗面奶味」一眾網民都紛紛留言表示：「想問洗面奶係咩味？」、「啲牙有冇白到」、「成件事好唔呂爵安」、「最佳代言人」。
而Anson Lo亦有貼出多張踩台板的照片及短片，他寫道：「在香港的我通常晚上才出post ，現在於三藩市有時差之下，為了你們我就現在post啦~ #病好了就是興奮」而其中一條片見Anson Lo在廁所對鏡自拍曬舞技，在跳得興奮之際，Anson Lo 發現正在進食的Jeremy 出沒，Jeremy亦加入即興齊齊起舞，不過跳兩跳， Jeremy就去咗洗手，場面搞笑。一眾鏡粉都紛紛留言祝12子在當地時間4月5日的三藩市站good show。
