錫菲聯絕地反擊
2021-02-02

英超剛踏入下半季,咁快即打開3截,曼城放頭,曼聯同利物浦力追;3支黑馬李城,愛華頓同韋斯咸,啱啱齊輸,連億萬大軍車仔嘅新帥杜曹,都話今季目標只係入前4踢歐聯咁冇志氣,季尾要過到「兩曼1利1車」唔容易。再望下游,富咸,西布朗同今季大跌watt嘅錫菲聯遠遠墮後;三弱唯一變數反而係包尾錫菲聯,功勳領隊預咗陪降,未必睇得咁淡。

錫菲聯今季最終排乜嘢位置,都唔似會炒由英甲帶隊打到上季入前10嘅波士韋達,班波走晒樣都係因鋼門借用完返曼聯,大手筆簽返水貨龍門歸隊同唔識入波嘅紅軍新星;加埋上季尾踢得好嘅中場主力辛達貝治養傷,前中後全無重心,又冇錢再搵新兵救亡。但咁逆境,隊波近排反而好有士氣,啱啱輸俾曼城1粒冇排弱陣揸流攤,由老兵前鋒麥哥迪克同比利沙柏帶領,踢返啲簡單足球搶分。強調「我們有信念,繼續一起戰鬥,生存下去」嘅韋達,今晚招呼西布朗合演護級大戰,要全力博贏,由打咗21場得8分起,展開下半季絕地大反擊。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多