9月波愈近愈驚心
2020-09-02

球星都係人,困咗咁耐,趁準備進入本月起有如超級快車嘅歐洲新賽季前,四出度假或者約埋三五知己去蒲,球會明知各地疫情有回起之勢,也阻止不了太多,但最好去玩都守下規矩。否則只要看看規模細小嘅蘇超,上月初爆出鴨巴甸8名球員聯賽首戰輸波後齊蒲吧「哭波喪」,當中2人之後驗出新冠肺炎;跟住班霸些路迪有球員私下去西班牙度假,然後喺冇隔離下照出賽,已搞到兩軍多場波焗住改期,影響唔少場地工作人員嘅生計。再想到英超同其他本月中陸續展開嘅各大歐洲聯賽,真係幾牙煙。曼聯隊長哈利馬古尼喺希臘度假闖禍、保羅普巴確診「中招」,車路士亦已有多將疑似確診隔離中;原本按規定隔離14日返出嚟,影響可以減低,但今屆英超咁啱會喺本周歐國聯打完頭兩輪後開鑼,歐洲球星來來回回,出事風險指數必再上升。9月波包括國際賽,愈近愈令主辦單位驚心;而最震驚嘅消息,或者係罷操乖乖留喺屋企嘅美斯,會唔會本月離開巴塞去曼城咁激。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多