昨日早上交通大混亂，其中東九龍情況嚴重，原來仲有一條水路，俾有事情要過海或要趕返工人士多一個選擇，就係來往西灣河碼頭至觀塘及三家村的珊瑚海懷舊小輪。Ray昨日早上10點幾行過該處海旁，即鯉景灣海濱一帶，呢個時間本應冇乜人，但當時碼頭內人頭湧湧，外面則有一條長長人龍，一直排到去嘉亨灣，真係好少見咁大場面，原來好多人搭唔到港鐵或巴士過海，轉而走多幾步去搭船。9蚊過海，都幾抵搭。
Ray同工作人員八下，原來佢地有加班應付，平日早上30分鐘一班，昨日就加到15分鐘一班，仲要加到接近11點先至疏導晒人龍，一朝早就多咗近千個乘客，仲話希望市民今次試過搭小輪，第日都多D支持下。而呢幾日都會緊密監察情況，為市民服務。