糧尾的長假期北上消費

友人：(短訊) 豪哥！巴閉啦！依家有錢唔聽我電話啦！

阿豪： (短訊) 點會呢！咁啱買緊嘢啫……

---- 阿豪馬上用whatsapp 電話回覆 ----

阿豪：唔好意思！啱啱專心揀緊嘢，睇唔到訊息……覆慢咗啫！

友人： 哦！你就係每七個港人當中北上消費嗰一個！

阿豪： 都算係嘅！

友人： 豪哥！所以我咪話您巴閉囉！有錢北上都唔叫埋死黨……

阿豪： 你誤會喇！我有苦衷……

友人： 哦！您終於出咗pool (搵到異性伴侶)，同女友北上？

阿豪： 你誤會喇！我都想出到pool……見你咁好朋友講畀你聽：我其實月尾，仲未出糧……落街食嘢時，商場啲sales 全部如狼似虎，四出拉客促銷……我有心無力！怕咗！唯有躲在家中，叫外賣，如非必要唔敢再落街！

友人： 連必要嘅開餐都叫外賣，咁仲有乜嘢緊要個食嘢，您仲要落街呢？您剛才又話買緊嘢？

阿豪： 我喺網上旋轉平台(Carousell) 揀下啲免費貨品，揀得啱，趁放假就出去交收……有啲想買撞唔啱，就去淘寶嗰度，先揀咗放入購物車，等出咗糧，增咗值之後，再安排送貨。

友人： 哦！原來係咁樣北上！

【EC生活微積Fun】

周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣)。