月尾飯伴的拌飯

友人：喂……早呀！你今日有冇約人食晏？

周朗：咦！咁快又月尾啦？

友人：係呀！又係我哋嘅每月一聚啦！

周朗：好！老地方……點睇？

友人：梗係掂啦！老闆話事！

---- 稍後在老地方餐廳午飯時 ----

周朗：唔該伙計！二人餐，另外再加：天婦羅、豬頸肉、雞軟骨……

友人：每月由廿號開始，就開始無啖好食……挨到月尾，跟周兄食晏，簡直就係「驟雨中嘅陽光」！

周朗：唔好咁講！多謝你陪我食晏就真！我身為斜槓族，無咩分糧頭糧尾！反正做到邊食到邊……好多時「求其」食飽就算！難得你記得，定期約我……我咪乘機食好啲，叫多幾碟小食當「拌飯」！

友人：你珍惜我呢個「飯伴」，而我就珍惜你叫嗰啲「拌飯」！

【EC生活微積Fun】

周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣) 。