這個星期，英國有史以來出現首個極端炎熱天氣紅色警告，囝囝也因熱浪提早兩個鐘頭放學。前幾日趁有空檔，即趕去Brighton吹下海風，避開熱浪。海灘碼頭設有多款機動和攤位遊戲，沿海邊有大量食肆，市內街頭亦眾集多間個性小店、優質食店，如果無打算在Brighton過夜，建議早點出發，爭取時間玩，因很多小店下晝五、六點已關門。
去Brighton一定要睇天氣，因這個臨海城市特別大風，記得上年去聖誕市集，又凍又大風又落雨，在室外凍到騰騰震，與近日每天陽光普照完全是兩個世界！所以最好在日照長的夏天，找個藍天白雲的晴天前往，而且風速最好少於20，否則大風吹到人都癲。Brighton位於英格蘭的東南方，由倫敦市中心London Bridge或Victoria搭火車去Brighton站只需一小時左右，非常方便。
由於這裡的特色小店比較早休息，建議先到North Laine及The Lanes逛逛，然後才向海邊進發。這兩區個性小店、餐廳林立，如你喜歡型格家品、手製飾物、獨立品牌服飾、漫畫等，記得預留時間慢慢睇。我很喜歡Dowse的家品，由櫥窗設計，到所揀選的貨品，無論色澤或圖案都充滿陽光感，令人看得心花怒放。逛完我愛到The Flour Pot Bakery醫肚，這間手工麵包店由2012年在Brighton開設首間小店，十年間已發展到有9間分店，還會批發麵包到不同食店，實力非凡。推介它的focaccia roll，麵包不用翻熱也好食，綿密帶韌勁，餡料亦新鮮慷慨。
吃飽後，可往Brighton Palace Pier一直行，沿著海灘的海岸線，有海上遊樂園、有如London Eye的British Airways i360、食物廣場Shelter Hall及多間開揚食肆。海上遊樂園不止有攤位，還有各種機動遊戲、大型遊樂設施，包括過山車、旋轉木馬和碰碰車等，大人細路都啱玩。難得來到海灘，當然要chill下，可租沙灘椅(￡4)和傘(￡5)在海灘吹住海風，飲下嘢hea返幾個鐘。如果要落水記得著拖鞋，這裡並非沙灘，是石春地，小心很拮腳呀。
Dowse Studio & Shop
電話：01273 253933
地址：37 Gardner Street, Brighton, BN1 1UN
The Flour Pot Bakery
電話：01273 621942
地址：40 Sydney Street, Brighton, BN1 4EP
Brighton Palace Pier
地址：Madeira Drive, Brighton, BN2 1TW