現時效力挪超洛辛堡嘅丹麥前鋒賓特拿又再一次提提大家，「Lord賓」、「大帝賓」嘅存在！叫咩花朵都好，總之就係霸氣十足啦！佢早前喺歐霸盃對馬其頓球會華達時，施展出如入無人之境嘅神級助攻，睇重播畫面都令人回味無窮，我Loop咗起碼廿次，哈哈。當時Lord賓喺禁區頂接應隊友橫傳，即刻引嚟3個球員上前招呼都毫無懼色。佢仲不知幾定當，前有攔路虎咪帶波入個後波，當佢一帶波離開禁區又突然玩後踭，將個波交俾龍門前嘅隊友希頓史達起腳，守門員都反應唔切，士哥就咁產生。最後洛辛堡贏3比1之外，Lord賓入一球加一個世界級助攻，梗係仲贏埋大家嘅掌聲啦！Call me Lord賓，no more中堅賓！