近排心情跌到落谷底，好在睇到一啲令人振奮嘅足球新聞，梗係要同大家開心些牙啦！好多人都覺得，遲起步就費事開始，但係咩叫遲先？一生只効力羅馬一間球會嘅托迪已經四十有一，上季告別戰之後拒絕其他球隊邀請，決定掛靴結束25年球員生涯，由零開始，重新學習點樣喺羅馬擔任總監。有「小貓版」馬勒當拿之稱嘅克羅地亞女球王Marija Matuzic，57歲依然踢緊克羅地亞頂級女子聯賽，上個星期更射入一球，協助Pregrada獲勝。43年職業生涯，依然有心有力，自1974年首次登場，之後合共為效力咗32年嘅Dinamo Maksimir贏得4次聯賽冠軍。
曾贏得8面奧運同11面世錦賽金牌嘅飛人保特都公開表示，腿筋傷患康復後，會由田徑場轉戰足球場，雖然31歲至開始做足球員，但相信佢會跑得仲快過啲小將。所以話，有心唔怕遲，事在人為啫！