皇者就應該有皇者風範，好似英超榜首曼城咁豪氣5比0大炒水晶宮就係一個好例子！咁次席曼聯就叫失色？因為只能險勝修咸頓1比0，摩連奴仲要喺盧卡古嘅一箭定江山之後，用咗「龜縮」戰術，連格、馬迪爾等進攻球員只可以繼續乖乖坐喺後備席上睇波，改變部署為部加固防守。柏歷堅尼眼見球隊已佔上風，控球、射門都逼到紅魔危危乎，更積極派出加比亞甸尼同查理柯士甸兩大中鋒搶攻。摩帥嘅6後衞鐵桶陣最後成功頂到尾，3分又袋袋平安。賽後例牌被追問何解今場咁狼狽，串王話咪又係3分囉！當然未必係漂亮一仗，但現實啲就梗係要目標為本，你估同時應付聯賽、歐聯、聯賽盃會易嗎？