黃智賢(Ben)近日參與一套講述一個肺癌病人面對末期癌症的短片。短片中，Ben飾演一家之柱，並會吹奏「尺八」，但發現自己得了罕見的MET基因突變型肺癌。
「尺八」是一種竹製管樂，只有5個孔。不過，愈簡單的樂器，所需的演奏技巧便愈高。Ben拍攝前已不敢怠慢，特地找導師上堂，學習基本技巧，最初連吹也吹不響，「唔好睇佢造型好簡單，要吹得響都要摸索好耐！」Ben說，所以他索性將尺八帶回家，跟著教學片段，苦練了近一個星期。到拍攝當日，Ben的苦練成果終於出爐︰「其實好多嘢只要努力嘗試、唔放棄，都仲有希望。例如，就算患上罕見嘅基因突變肺癌，已經去到末期，而家已經有好多新治療方法，最緊要係及早同醫生商量。」
