早前,馮盈盈、戴祖儀、陸浩明(6號)、孔德賢及黃凱儀(波波)等,為無綫綜藝節目《#後生仔傾吓偈》出海開船P兼錄影,期間盈盈發生「爆腳趾」意外,需入院縫六針。
昨日,受傷未愈的盈盈,在助手攙扶下一拐一拐現身《#後生仔》錄影現場;穿著拖鞋的盈盈,右腳腳趾公「包到成隻糭」咁,期間更遭同事開玩笑封她為「縫六針」。
其後,盈盈接受無綫訪問時,講述受傷事發經過:「嗰日其實我已經唔使玩啲好激烈嘅水上遊戲,只係留喺船上面,做好主持嘅工作,點知偏偏我係最傷嗰個。」她又指當時未有為意船上翹起的鐵片,她說受傷當刻沒有半滴血,但過了數秒後血如泉湧。
盈盈到了醫院後,聽到醫生表示需要縫針,嚇至哭了出來。她又笑指:「打麻醉針先係最痛㗎!支針一拮落嚟,我就尖叫咗出嚟,全個醫院都聽到。我唔知係咁,因為我第一次縫針咋。」