王菀之(Ivana)與張敬軒再度合體,昨晚於澳門舉行《The Magical Teeter Totter演唱會2017》軒仔在演出期間險些甩褲,又不慎被咪撞到咀,更犧牲將腳毛全部剃光!Ivana則稱,由過農曆新年至中秋食不停,所以來不及減肥演出!
Ivana與軒仔的造型,有部分是全新設計,軒仔在台上自爆為了穿一條很窄的褲要剃腳毛,他笑說:「係呀!我今日冇晒啲腳毛,為咗呢條褲我花咗成個鐘剃晒啲腳毛,因為條褲好窄身又多拉鍊,經常夾到啲腳毛,所以要剃光腳毛!不過講剃腳毛都有掌聲,相信我都係第一人!」
軒仔自讚下半身大隻咗
演唱會全新訂造很多新衫,Ivana換上一頭短髮,軒仔笑指:「近日我哋兩個體形上有啲唔同,因為大隻咗!」Ivana說:「我大隻咗係因為健身,其實喺2月香港站演出時,係近新年期後嘅時間,我已經開始戒口,我應承所有設計師唔會大食,不過我就由紅館完騷後食到依家,所以我減唔切,今次澳門站係中秋節期間,我又食咗好多月餅!」而軒仔則自言大隻在下半身!令手多多的Ivana,偷襲拍打了軒仔的肚腩一下!軒仔表示,「今次大家演出狀態好理想,希望繼續有其他地方巡迴演出!」