王菀之昨到商台宣傳新歌《忘記有時》，她透露，最近除了工作之外，還學習手語、日文、跳舞和健身，以致時間不夠用。
《忘記有時》由王菀之親自填詞，她表示：「好似今年3首歌曲，都係寫人生同埋感嘆時間唔夠用。(是否因為工作太繁忙所致？)真係講出咗我整個人嘅心聲！我最近真係連瞓覺都瞓唔著，可能因為開始覺得有啲壓力，將自己迫得太緊。」她又透露，最近亦忙於學習手語、日文、跳舞，以及健身等，「要努力去緊記新學到嘅知識係好攰嘅，然後唔使學習嘅時候，就要工作，除咗舞台劇，我仲諗緊一啲電影劇本，我都拍緊電影，好似將好多嘢放埋一齊咁。」
跟教練學健美
談及跳舞，王菀之被問到有否跳得腰酸背痛，她笑說：「跳舞還好，因為冇好厲害咁去跳。」至於演唱會澳門站會否展示踢躂舞，她表明不會，「反而依家跟緊一位教練學健美，原來我整個人都係歪嘅，要先練好一啲肌肉，再跳會比較好。」最後，當她被問到會否考慮生小孩時，她笑言：「有時候會幻想，但我覺得，我同老公Eric都係幾隨緣嘅，有就有，冇就算啦！」