本周備受期待的ViuTV節目《調教你MIRROR》昨晚終於開播了,曾在《調教你男友》成功「調教」理想男友的梁祖堯(阿祖),原來早於去年已受花姐所託,花姐表示,「他們由一班素人參賽者完全冇經驗做藝人,好多事情都冇經歷過,也唔知娛樂圈有很多引誘、挫敗。入行後他們有很多迷茫期,令他們很容易走歪,我覺得係時候要你幫手調整他們。」
拍攝從去年的《全民造星III》的總決賽(12月26日)開始,阿祖直言對MIRROR認識不深,甚至從沒跟姜濤、Anson Kong等交談過,他形容MIRROR十二子「思維方式唔同、行動力唔同、質地唔同,怎可能冇衝突,唔怪得花姐咁保護佢哋,因為佢哋會起稜角,唔知飄咗去邊。」他希望在花姐完全被隔離的12日宿營中,讓十二子透過真實相處後,「無論遇到咩困難、社會俾你咩煩惱,唔好唔記得當初點解喺埋一齊。」
首集主要交代節目前因,紀錄12位成員在碼頭集合的實況,當日他們分成4組,於不同時間集合。最搞笑是經過兩輯《MIRROR GO》的洗禮,試過滿心歡喜去韓國結果是往烏溪沙宿營的大整蠱後,加上當日是4月1日愚人節,各成員都半信半疑充滿戒心,Ian索性帶一個背包,Frankie直指製作團隊常說謊。不過,在《MIRROR GO》因遲到連累隊友大懲罰的Edan,今次非常「叻仔」好準時,反而向來準時的隊長Lokman遲大到,而姜濤、Jer和Ian亦都遲大到。「調教師」阿祖則匿藏於天橋上,從遠處觀察各位鏡仔的表現,他直言,一眾成員已習慣以「MIRROR」方式面對鏡頭,戒備之心很強。阿祖大嘆鏡仔的傾偈內容似做節目,「呢班友一有鏡頭就慣咗,冇辦法真係傾偈,聽到啲嘢全部都假⋯⋯無可厚非,都要做返節目要做嘅嘢,希望入camp後有改變。」
至於事先張揚的素顏上鏡,大部分成員在家執行李的「自拍」,其實也不算很素或者是戴了口罩,要說最素的有Anson Kong、Tiger,還有撞破阿祖偷拍的Jer,他一臉驚訝發現沒有隨團化妝師,口裡說自己「天生麗質」,當阿祖企團扯走他口罩時,他才慌張表示:「未剃鬚。」姜濤由頭包到落腳又戴漁夫帽,被阿祖評為「低調地俾人知係偶像」最有星味。