薛家燕、鄭俊弘等，日前為音樂節目《流行經典50年》錄影，薛家燕希望透過節目為觀眾帶來正能量，又說春節期間因貪吃，引致胖了很多。鄭俊弘指，舊愛姜麗文有告知他婚事，他並大方送上祝福。
家燕姐說：「春節都係留係屋企休息咗幾日，其實我向來工作至上，日光日白要瞓覺休息認真唔慣，惟有睇電視同食零食當娛樂。結果返嚟服裝試身時，俾同事追問我，春節係咪食咗好多年糕所以肥咗。」她又稱，「新春收到兩盒口罩作賀年當禮物，大感驚喜同實用。」
姜麗文新婚獲鄭俊弘祝福
對舊愛姜麗文宣布和圈外男朋友結婚，鄭俊弘說：「姜麗文有同我講過，當然戥佢開心，我仲祝福佢婚姻美滿。」至於跟未婚妻何雁詩遊泰國時，買萬元可換濾芯口罩，鄭俊弘指：「新年都係送口罩俾家燕姐做禮物，我覺得健康最重要，花咗嘅錢可以努力工作再賺返。」鄭俊弘又稱，和何雁詩未有造人計劃，暫時以工作為先。
