容祖兒19場演唱會於周六圓滿結束，尾場除了找來黎明擔任嘉賓外，祖兒更兩度encore唱到凌晨12點40分才結束表演，唱足4小時，是她開個唱以來最長的一次。祖兒今次開騷近乎晚晚超時，相信她要繳付過百萬罰款。
祖兒尾場唱足4小時，加上之前超時，罰款逾百萬元。
祖兒表示由5月開始，一直生病，幸好今次不用靠服食類固醇。她說︰「我到8月3號都仲病緊，我真係好驚，可以拜嘅神都拜過，我專誠搵南京個醫生飛過嚟同我針灸！」問到下次會否挑戰開廿場演唱會，她說如果有能力做就會做，但今次破了自己紀錄兼做到一個開心個唱，已經非常難得。
黎明表示犧牲湊女的時間，為祖兒站台。
黎明尾場現身任嘉賓，當他上台時，祖兒一度踎低話：「我暈啦！」同時又不停大叫「Leon」。她指年頭在一間餐廳巧遇黎明，並立即邀請對方做她的個唱嘉賓，但黎明未有即時答應，祖兒坦言當時見到黎明覺得好幸運。黎明聞言即發揮「金句王」本色，說道︰「夜晚黑見到黎明係咪，充滿朝氣﹗」令全場爆笑。提到邀得3位天王做嘉賓，祖兒說曾邀請郭富城，但城城要到外地拍廣告，所以未能集齊「四大天王」。