蕭正楠與黃翠如結婚3年多,二人非常恩愛,更不時在社交網放閃,昨日,經常孖住老婆跑步的蕭正楠,在社交網上載兩公婆跑步時,面對大海手拖手的背影,並寫道:「隔離嘅日子即將要開始,唯一唔放心嘅,就係呢個小朋友。如果有一日你喺街上見到佢,希望你畀啲食物佢,最好已經煮熟咗,感激感激。」
雖然蕭正楠未有透露去邊,但似乎是擔心廚藝一般的黃翠如會冇飯食,而黃翠如亦即甜蜜回覆:「所以我在枱面發現了一張 『你要活着呀』的字條。」網民都感受到他們的甜蜜,紛紛留言:「係愛呀」、「暖男老公」及「你哋真係好Sweet」等等。