日前一眾「2Line黨」成員為節目擔任嘉賓。久違的朱千雪再現幕前。
由林盛斌(Bob)及玄學家麥玲玲一同主持的邵氏節目《Master's Talk》，最新一集找來被稱為「2Line黨」的成員朱千雪、湯洛雯、岑杏賢及蔣家旻四位做嘉賓。她們表示從沒承認「2Line黨」的名字，更戲言已由二線跌落三線，湯洛雯說：「我哋私底下個群姐名叫『幸福公主』，除咗我哋仲有張嘉兒。」
今集節目主題是「嫁得好」，朱千雪和岑杏賢先後跟醫生和金融才俊結婚。湯洛雯笑岑杏賢是她們之中最追求靚仔的一個，她老公都是靚仔，不過不是娛樂圈圈中的靚仔。岑杏賢說：「起初同老公第一次見面係完全冇興趣，好唔鍾意佢，唔明點解朋友會介紹畀我認識，佢外表唔係我想要嘅類型。我好膚淺，本身就諗住索性搵番娛樂圈嘅人就算，直至遇到我老公之後，簡直係極品，感覺佢優點比我想像更加多。」
朱千雪與青梅竹馬的醫生男友結婚。
至於朱千雪嫁給青梅竹馬的醫生，問到老公是否靚仔 ？朱千雪呆足三秒才回應：「我覺得靚仔咪得囉！」更自爆入行8年來無人追。湯洛雯指朱千雪每遇到有人問她拿電話號碼，都著人send E-mail。朱千雪表示自己不太愛擴闊圈子，下嫁青梅竹馬醫生是因為對方給予安全感。她說︰「我同而家老公細細個就認識，感覺好安全，同埋唔需要用好多時間去認識大家，咁多年遠距離戀愛我都好信佢，佢亦好信我。其實最衰嘅一次，有個人同我合照，影完張相，佢問我攞電話想Whatsapp番張相畀我，我話：『唔使喇，張相你Keep啦！』就算拍劇男拍檔嘅電話都冇，唔需要嘛，要聯絡會搵PA（助理編導）呀嘛！唔係冷漠，只係心態上覺得無需要，就算未正式拍拖前，我個人本身性格就係咁，所以同我老公傾偈好舒服，唔使好深入了解，又唔驚佢呃我。」
靚湯大爆朱千雪的秘密。
她又指每遇到要賣性感或接吻戲均會斷言拒絕，她說︰「有場戲安排我喺天台跌落去時，男主角要扯住我，扯爛件衫，見到露膊好性感咁。我唔係唔想性感，而係我又唔係瘦，做嚟都嘥氣啦！我就將裡面件背心同外面件背心縫埋佢，扯極都係見到少少膊頭，而且我又怕被人cap圖，話我手臂肥。」
朱千雪又否認退出，她說：「我想做，家庭同事業要平衝，以前係事業以外就自己煲劇，而家係事業以外，老公想煲咩劇就一齊煲，工作上無分別。」提到生小朋友，千雪說：「我好驚生BB係因為我怕肥，我未生已經被傳媒講到我起碼生咗3件咁，話我有咗5個月，傳聞真到連我自己都猶豫！」