苟芸慧（苟姑娘）自2018年下嫁陸漢洋後，鮮有在熒幕出現，今次在無綫重頭劇《飛虎之雷霆極戰》中飾演馬國明（馬明）太太「殷婷」一角，不僅是婚後首套參與的香港劇集，亦是相隔4年首次重返香港熒幕的作品，難怪苟姑娘大叫緊張。
劇中苟姑娘飾演一名惹笑「惡妻」，有不少「鬧爆」
苟姑娘對馬明有讚無彈。
提到演「惡妻」，苟姑娘表示老公曾反映她在拍攝該劇時，個人特別惡。她說︰「可能我唔覺意將角色嘅性格帶埋返屋企，但我覺得佢應該接受到，喺鬧嘅過程，表達到我嘅想法，我估佢都鍾意嘅。」問到老公有沒有探班，苟姑娘沒好氣表示：「試過一次，佢話咁啱喺附近工作，之後空降拍攝現場，我返到屋企同佢反映，唔好再喺我工作位置出現，咁樣會令我分心，好似成日有對眼望住我咁，好唔自在，不過佢就話嗰次係嚟睇馬明，仲話馬明係佢偶像。」
對於在《飛虎之雷霆極戰》跟馬明首次合作，苟姑娘對馬明有讚無彈：「馬明好有耐性，拍攝期間，有時自己狀態唔好，自己都會忟憎，但馬明就好有耐性，對住我笑吓，叫我唔駛咁緊張，安慰我。戲中，我哋有個囡囡，埋位之前，我見到馬明會主動同個小朋友玩、傾偈，感覺好有爸爸Feel，亦令我好安心同佢工作。」
